مساق اونلاين: “كيف نجهز المنزل لاطفالنا؟” – اكتوبر 2020

118.80

تم التقييم بـ 5.00 من 5 بناءً على تقييم 9 عملاء
(9 مراجعات)
التصنيف:

الوصف

بعد اصداءات جداً داعمة منحب نعلن عن الدورة الرابعة:

كورس اونلاين غني جداً بالمعلومات ومرافقة شخصية عبر مجموعة خاصة عالفيسبوك بموضوع: “كيف نجهز المنزل لاطفالنا؟”

جداد على منهج مونتيسوري ومش عارفين من وين تبلشوا؟
اطفالكم كبروا وحاسين أنه بحاجة تغيير بس مش قادرين تعرفوا وين وكيف؟

هاد المساق لإلكم، فيه رح نتحدث عن واحد من اهم المبادئ اللي حكت عنها مونتيسوري: البيئة المجهزة
ليش؟
لانه مش طبيعي شو الاولاد بقدروا يعملوا لما منوفرلهم البيئة الصح وبكلماتها: “في بعض الأحيان، في بيئة مناسبة لهم، يطور الأطفال الصغار جدًا مهارة ودقة في عملهم تفاجئنا.”

مونتيسوري هي مش بس العاب خشب (اصلاً ملان العاب خشب ما بتتلائم مع اركان المونتيسوري). مونتيسوري هي فلسفة حياة وطريقة تعليم, فيها بنمو طفل مستقل اللي بنى كل معرفته بايديه ببيئة داعمة وحاضنة اللي صُممت خصيصاً عشانه. بدكو تعرفوا اكثر؟ سجلوا وانضمولنا ب 15.10.2020 – مجموعة خاصة عالفيسبوك لمدة 8 اسابيع . سوا رح نفكر، نطبق، ندردش ونجهز زوايا البيت حسب مونتيسوري 🙂

البرنامج :

اسبوع 1: ميزات البيئة المونتيسورية

اسبوع 2 و 3: زوايا اللعب والقراءة
تلائم ايضا عائلات متعددات الأطفال

اسبوع 4 و 5: زوايا الطعام والطبخ

اسبوع 6 و 7: زوايا الاهتمام بالذات والنوم

اسبوع 8: الحمام

 

بعد إكمال الدفع أطلبوا الانضمام لمجموعة الفيسبوك

تعليقات الزبائن
5
9 تقييمات
1 نجمة
0%
2 نجمة
0%
3 نجمة
0%
4 نجمة
0%
5 نجمة
100%
قييم!

فقط الزبائن الذين اشترو المنتوج بامكاتنهم التعليق

اكتب تقييم
9 تقييمات لمساق اونلاين: “كيف نجهز المنزل لاطفالنا؟” – اكتوبر 2020
  • 5 من 5

    سجلت للمساق لأني كنت متعطشة لتغيير جذري بنمط حياتنا ولأني بدي بناتي يكونوا مستقلات، مبادرات، قائدات وآفاقهن واسعة.
    هون اجى دور ميجي وجونا بإرشادهن ومرافقتهن النا بصورة مهنية عالية جدًا. اعطونا كل الآليات والتقنيات لحتى نعمل هذا التغيير.
    الكورس مثري جدًا وغني بالمعلومات القيمة. بنصح كل حدا حابب يعمل التغيير اللي احنا عملناه ينضم ويستفيد مثل ما احنا استفدنا.
    شكرًا ميجي
    شكرًا جونا ❤

  • (مالك موثق)

    5 من 5

    الكورس اكثر من رائع ووجدت فيه توقعاتي وأكثر
    استمتعت فيه كتير ولقيت فيه الفائده العظيمه لاطفالي ونمط حياتهم وحتى أثر على نظامي بالمنزل
    بشكر ميجي وجونا كتير القريبين من القلب و اللي دعموني واهتموا كتير وشجعوني لصنع التغيير ببيتي للأفضل وبتمنالهم كل التوفيق بالكورس الممتع والغني بالمعلومات الرائعه والمميزة والمعروضه بصورة مميزة وممتعه ومرتبه ومهنيه عاليه اللي بتتمني لو مايخلص بالمرة ويبقى معنا طول الوقت
    كل الاحترام ويعطيكم الف عافيه

  • (مالك موثق)

    5 من 5

    سجلت للمساق كوني تابعت طرق مونتيسورية عديدة وكنت متطلعة على المنهج بس المعلومات تكدست براسي وما عدت اعرف اطبقها بالشكل السليم والسبب المعلومات من عدة مواقع من عدة اشخاص كل حدا بيطبق بمفهومه وبشو بناسبه كنت مرهقة من كمية المعلومات وقلة الكيف والجودة والخطة الملائمة لشخصي لعائلتي ولمقدرتي …كنت محتاجة شخص مهني اشارك معاه اسئلتي تخبطاتي افهم وين هفواتي وهون شفت المساق وجذبني العنوان وحسيت انه
    المفتاح هو تجهيز البيئة كونه احد اهدافي الكبار هو بناء طفل مستقل لديه بيئة مناسبه واساعده ليطور نفسه واشجع فضوله وهاي النقطة كانت جدا صعب تنفيذها عندي كيف اشجع فضوله قدر المستطاع واكون قدوته في التعلم بالشكل الصح حسب المنهج.
    المساق اعطاني الادوات الكافيه العلمية والمهنية لاحقق هدفي بتوفير بيئة امنة تغيير في سلوكياتي والعديد العديد من الامور ممكن اكتب عنها كثير.
    بسمح لحالي اقول وفخورة بنفسي اني اهديت حالي المساق بدون تردد المساق فاق توقعاتي من ناحية المضامين وسهولة تطبيقها السلاسة بالوحدات وترتيبها
    التجاوب السريع والاجابات الكاملة والشاملة مع امثلة من الحياة الواقعية من قلب بيوت الرائعات ميجي وجونا مشاركتهم النا بتفاصيل حياتهم كأمثلة واقعية ومحفزة لنا للبدء بالتغيير من اليوم الاول ومع هيك اعطاء مساحات لنا واثراءنا ايضا بمواقع وروابط جدا مهمة وعملية لكل بيت .. بعرفش قديش ممكن اكتب بس لاوفي حقهن بهيك مساق .. المساق جدا جدا رخيص نسبيا للمحتوى .. شكر من الاعماق بنصح بشدة التسجيل للفوج الثاني ودعوة اصدقائكم للمساق الرائع الغني ..

  • 5 من 5

    الكورس كثير مفيد، انا قبل ماانضم للمجموعة كنت مبلشة اقرأ واغير بالبيئة بس الكورس اضفلي معلومات كثير ما كنت اعرفها وسهل علي شغلات كثيرة. .. . . غير انو فتحلي عيوني على اشياء صغيرة ما بتخطر بالبال ! اي نعم القعدة بالبيت صعبت علينا النواقص للبيئة بس في كثير اشياء بتقدرو تعملوها من الموجود! بنصحكم تسجلو خصوصاً بهالوقت لأنو في مجال تقرأو وتستغلو الوقت وانتو قاعدين بالبيت! انا حبيت الكورس وساعدني اغير كثير شغلات ، انتو كمان سجلو عشان تقدرو تغيرو ❣❣

  • (مالك موثق)

    5 من 5

    دفتري صار ملياااااان ملياااااان حِكم وأقوال مش أقل من عبقرية، الي مرقتها بكورس “تجهيز البيئة حسب مونتيسوري” الي تمرر على يد الرائعتين: ميچي وجونا.
    ليش من اسا أخدته وبعد فش عندي ولاد؟ لإنه بآمن إنه ولا مرة بكير نعرف كمان وكمان بطريق التحسن، وشوي شوي منخلق مجتمع مفتوح الآفاق ومنكون دايمًا بتطور مستمر.
    ضيفوا على هيك، إنه السعر كتير كتير منخفض نسبةً لكثافة المعلمومات والمرافقة الشخصية والإهتمام. لدرجة إنك بتحسي وكأنه الكوري شخصي إلك! بنصح كل شخص يمرق التجربة لإنها بنّائة وبتفتح عالم بأكمله، رائع ومثير. ميچي وجونا كتير لطيفات وما بحلوا عن الواحد إلاّ ما يتأكدوا انه اخد جوابه ووصل للنتيجة المرغوب فيها، وهاد جدًا جدًا مش مفهوم ضمنًا!! بوركتن وشكرًا لجهدكن بتطوير الأجيال الصاعدة!

  • (مالك موثق)

    5 من 5

    إنضميت للمساق اون لاين، من متابعتي لصفحة قصتي مع مونتيسوري، لأقدر اساعد بنتي تتطور بطريقة صحيحة والأهم تكون مستقلة. طبعا المساق فاق كل التوقعات من مواضيع الفيديوهات المشاركة بالصور من المشتركات،والاهم استجابة جونا وميجي لأي تساؤل او استفسار. كثير استفدت بتغيير بعض الامور بالبيت لتكون مجهزة وملائمة لبنتي وآمنة وبتدعم استقلاليتها وتطورها.
    شكرا جونا وميجي من ♥️

  • 5 من 5

    كورس شامل ومتكامل, أكثر من رائع, اخذت كثير ادوات وتقنيّات تساعدني اني احصل على بيئة جدا داعمة لتطوّر ابني في كافة المجالات 🙂 حبيت انه اعطاني كمان معلومات وارشادات كيف اكمّل بس يكبر ابني 🙂 حسيت المرافقة شخصية جونا وميجي دعموني كثير واعطوا من قلبهن, بنصح كل ام واب بالكورس لانه عنجد قيّم

  • 5 من 5

    ميغي المميزة و جونا الجميلة.. شكرا ع الكورس الأكثر من رائع…
    قيم لأبعد الحدود.. مهني .. وجودة عالية..
    استفدت كثير وبعدي بستفيد من المواد الموجودة❤ ..
    الكورس بمثابة مرجع كثير قيم وأساسي لهذا المجال…
    متعوب عليه…بوركت جهودكن
    شكرا الكن، وشكرا لوجودكن، وشكرا لطاقتكن الحلوة..

  • 5 من 5

    الكورس جميل جدا و مفيد. تقسيمكم للمواد و اختياركم إلها مدروس بشكل جيد و مناسب لإحتياجات الأهالي بإختلاف أعمار أطفالهم. فخورة و سعيدة فيكم كرياديات فلسطينيات. بحكي عنكم و عن تجربتكم لكل الأمهات إلي حولي. ممكن ملاحظة وحدة للتطوير و هي طريقة عرض صور التغييرات و تعليقكم عليها. تحت كل منشور بنلاقي مجموعة صور و مجموعة نصائح مفيدة و مرات بتدخل المواضيع ببعض و مرات احنا كمشتركات بنستعجل و بننزل صورة ممكن تكون أنسب لمنشور تاني. إذا قرأنا معلومة مفيدة وما سجلناها في نفس اللحظة بنضطر ندور في أكتر من مكان لنلاقيها في التعليقات. صور القبل و البعد كوحدة منفصلة فكرة حلوة لحل المشكلة لكن نصائحكم المفيدة رح تكون موزعة في أكتر من تعليق و مخفية في التعليقات. هل ممكن نخلي التجارب كلها و التعليقات لآخر وحدة مثلا؟كيف ممكن نصائحكم للتطوير تكون ظاهرة أكتر و نسهل الوصول إلها؟

أضف استعراض