مثلث بيكلر

شو هاد؟ سلم تسلق؟ سحسلية؟ خيمة؟ هاد مثلث بيكلر
كتير ناس بتربط بين مثلث بيكلر ودر. مونتيسوري، بس الصراحة مثلث بيكلر هو على اسم دكتورة ايمي بيكلر، طبيبة أطفال هنجارية التي وضعت نظريات جديدة تتعلق بالتربية الوديعة واحترام الطفل وحرية الحركة والتعلم المستقل من خلال اللعب (التشابه مع مونتيسوري ملحوظ، لا؟)، وهذا المثلث تصميمه يقوم على ملاحظاتها.
مثلث بيكلر يدعم تطور الحركة عند الاطفال من عمر 6 أشهر، لما ببدأوا يحاولوا يشدوا جسمهم للاعلى وبستخدموا الدرجة الاولى من السلم لرفع أنفسهم، ح
تى عمر 5 او 6 سنوات. شريناه لما كان عمر مارلينا 9 أشهر لانه كان عندها رغبة كبيرة بالتسلق (كنبايات، طاولة غرفة الجلوس الغير ثابتة، تختنا وغيرها) وكنا نفتش عن بديل آمن وضمن الحدود المقبولة علينا.
عبر السنين، لاحظنا انه طريقة استعمالها لمثلث بيكلر كانت تتغير وتتوافق بحسب المراحل التطورية اللي بتمر فيها. بالبداية كانت تتسلق عالمثلث درجة او اثنتين، شوي شوي زادت ثقتها بنفسها ووصلت القمة. كنا نساعدها تنزل بالبداية لحد ما اكتشفت كيف ممكن تمرر رجل فوق المثلث وتنزل من الجهة الثانية. مش رح اقول انه ولا مرة وقعت، وقعت مرتين ثلاثة وواحدة منهم موثّقة بكاميرا الفيديو لانه كنت فخورة فيها بدل ما اراقبها وامسكها، بس وقعاتها كانت عبارة عن دروس ودوافع للتجربة كمان مرة.
لهاد السبب في أهمية كبيرة النا الاهل:
1. اختيار مكان وضع المثلث عند الاستخدام، فوق سجادة او مسطح غير قاسي والتأكد من عدم وجود أي اجسام بالقرب منه اللي ممكن تأذي الطفل بحال وقع عليها
2. نراقب ونساعد فقط عند الحاجة، ما ندفع ونشجع الطفل على القيام بخطوات غير واثق منها وما نرفعه ونضعه بمكان ما بصله بقواته الذاتية
3. نكون موجودين ومراقبين (بالاخص بالبداية) عشان نساعد لما في حاجة
اليوم، بعمر 3.5 سنوات استعمال مارلينا للمثلث مختلف. اولاً، بتحب تتسحسل فبتقوم بوضع السحسلية عأعلى درجة، تتسلق من جهة وتتسحسل من جهة، ثانياً، تستكشف قدراتها الحركية بالاضافة، مثلاً تتسلق من جهة وتنزل على يديها من الجهة الاخرى وثالثاً، توازن مشيتها، تضع كرسي قريب من المثلث، تمرر السحسلية بين المثلث والكرسي بشكل افقي ثم تمشي بتوازن على الخشبة الافقية، نشاط رائع لبناء التوازن من اختراعها.
طبعاً، ادوار كمان من المعجبين بمثلث بيكلر، بس لاحظت انه براقب اخته وبقلدها (بحب يتسحسل ويتسلق عالسحسلية). اليوم لاول مرة اكتشف القمة! كل اللي كان لازم اعمله هو أنه أخفي السحسلية لبضع دقائق.
بالاضافة، من أكثر الالعاب المسلية لهم ان يحولوا المثلث لخيمة عن طريق وضع شرشف من فوق واللعب تحته.
شو أهداف مثلث بيكلر؟
  1. بناء الوعي الجسدي الذاتي واستكشاف قدراتهم الحركية: كيف اتوازن؟ وين أحط رجلي؟
  2. تقوية قبضة اليد، مهم جداً لكل مهام الحياة العملية مثل امساك الكأس وحتى بتجهز اليد لمسكة القلم
  3. بناء توازن أفضل
  4. إدراك حدود جسدهم
  5. بناء الثقة بالنفس بالقدرات البدنية
  6. تشجيع الخيال النشط
  7. ابعاد الاطفال عن الشاشات
عجبكم؟
عقدنا اتفاقية مع نجار مختص ببناء مثلث بيكلر لتكوين مجموعات شرائية لمثلث بيكلر (قابل للطي لتخزين اسهل) وسحسلية
السعر:
  • شماليّ البلاد: 500 شاقل يتخلل توصيل منزلي
  • مركز وجنوب: حتى 550 شاقل يتخلل توصيل منزلي (يتعلق بالعدد)
للانضمام للمجموعة الشرائية ادخلوا هنا
0 تعليقات

اكتب تعليق

لن يتم نشر عنوان بريدك الإلكتروني.