التعليم الكوني

بعيد ميلادها ال 3 سنوات حصلت مارلينا على هدايا مميزة (بحسب طلب من امها  : مجسم الكرة الارضية من أهلي، كتاب عن القارات من خال مارلينا بالغربة جورج وبازل العالم مننا. هدايا بتدل عاشي واحد: “كبرتِ يا حلوة، اجا الوقت تستكشفي العالم، عم بستناكِ”َ.
الصدمة بعد فتح هدية العيد
ماريا مونتيسوري استعملت مصطلح أثقل وهو “التعليم الكوني”: بعد آلاف الانشطة العملية، بعد تجارب كافية مع المواد الحسية الطفل بصير جاهز للمرحلة القادمة من الاستكشاف: استكشاف العالم والترابط بين كل الاشياء بالعالم: الانسان، النبات، الحيوان، الشمس والرياح والاجمل: تطوير شعور الامتنان لكل هذا الجمال.
كيف عم نستعمل الهدايا حتى تتعلم عن العالم:
  • تعلمنا انه العالم مكون من يابسة وماء واستعملنا مجسم الكرة الارضية لنلاقي “يابسة” و”ماء”. بالمستقبل رح اعرفها عمفاهيم اضافية من الجغرافيا الطبيعية مثل: الجزيرة، شبه الجزيرة، المضيق، البحيرة، وغيرها
  • العالم مكون من قارات، تعرفنا عاسماءهم، موقعهم على الخارطة وعلى مجسم الكرة الارضية، الحيوانات اللي بتعيش فيهم مثل الباندا بالصين والكوالا باستراليا. خارطة مونتيسوري على فكرة هي اداة رائعة للتعلم عن القارات لانه كل قارة فيها ملونة بلون آخر فسهل تمييز الحدود والتفرقة بينهم بما انها بتعزل التضاريس والعوامل الاخرى اللي ممكن تخربش الطفل.
خارطة مونتيسوري (تجدونها بالموقع – الرابط بآخر المقالة)
  • طبعاً بما انه الطفل باعمار صغيرة بتعلم عن طريق اليدين فمنركب بازل العالم (عفكرة البازل لعمر 6 سنوات+) بس انا حطيت قطع كل قارة (لون مختلف) بكيس وكل المحيطات بكيس وحالياً مارلينا بتركب افريقيا واوروبا. شوي شوي رح نركب العالم!
    البازل بتساعد للتدقيق بالملاحظات والمعلومات العامة، مثلاً حفظت انه الفلامينكو رقصة اسبانية لانه على البازل في صورة راقصة فلامنكو.
لهون وصلنا بمسيرتنا الكونية بس أحلى شيء انه هاي الهدايا رح يخدمونا سنين طويلة لقدام لانه في كتير شغلات نستكشفها بعد مثل الدول والاعلام والثقافات والاكل والساعة ووو.. وبما انه كمان متجر “قصتي مع مونتيسوري” بكبر مع مارلينا فمبسوطة اخبركم انه صار عنا أدوات مونتيسوري والعاب لتعليم الجغرافيا مثل المجسم بالعربي بجودة رائعة (!)، خارطة مونتيسوري للقارات وبازل العالم مع معالم، حيوانات وكتير معلومات مخباي: https://www.mymontestory.com/product-tag/%d8%ac%d8%ba%d8%b1%d8%a7%d9%81%d9%8a%d8%a7/
0 تعليقات

اكتب تعليق

لن يتم نشر عنوان بريدك الإلكتروني.