جوات كل طفل فنان – الجزء الاول: المواد

بآخر الاسبوع استضفنا بنت صف مارلينا وأهلها. أحلى اشي بال 3 ساعات هدول انه تقريباً ما حسينا بالبنات – اشي نادر جداً يصير عنا. أغلب الوقت كانوا ملتهيات لحالهن بمساحة اللعب او الغرفة.
لما روحوا وبدينا نضبضب، أجت مارلينا وفرجتني اللوحات الفنية اللي كل واحدة من البنات عملتها: “هاي ايلّا عملتها وهاي أنا”. كل لوحة كانت عبارة عن ورقة بحجم A5 وملصق عليها قطع خشبية واوراق لامعة بواسطة ريشة وغراء من ابداعها.
انعجاقها وهي تفرجيني كان واضح (بدون شك فخر باستقلاليتها وبنتيجة عملها). أنا تفاجأت، اولاً، باختيارهن لفعالية فنون ومش اللعب بالالعاب المجهزة على الرف، ثانياً، الشغل المستقل من الاول للآخر بما فيه احضار كل المواد اللازمة للفعالية، لطفلتين، وبالاخص الفرشاي الاضافية لايلّا.
الاشي ضوالنا ضو، انا وجونا، انه لازم نضيف أدوات ومواد للفنون، من النوع الافضل، بمتجرنا لانهم مش أقل اهمية من الالعاب لهدف تطوير الابداع، الاستقلالية والمهارات الدقيقة المهمة جداً للكتابة والخط الجميل. ونفذنا الاشي 📷
بهاي التدوينة رح اشارك بالمواد المختلفة الاساسية اللي استعملتها مع مارلينا من عمر سنة لليوم
١. الوان شمع: بدأنا باستعمالها بعمر سنة تقريباً لانه الشمع هي مادة طبيعية وغير سامة والاشي كتير مهم لما الطفل بحط بفمه. بالاضافة طريقة قبضتهم ملائمة لاطفال بعمر صغير.
🎨 عفكرة بتلاقوا بمتجرنا أفضل منتوج بالعالم من الوان الشمع
٢. معجون: معجون طري سهل استعماله وغير سام طبعاً.
٣. أقلام الوان الپاندا: بتوسخ أقل وبتمرن مسكة القلم
٤. الوان خشبية: بلشنا من الوان خميلة وشوي شوي انتقلنا لالوان رفيعة
٥. طبع وتلاصيق: بشكل عام بلائمها للموسم او الفصل او العيد وهيك بكون عنا فرصة لتطوير الثروة اللغوية والمعلومات كمان
٦. غراء وتلصيق: منستعمل غراء سائل مع فرشاة لتلصيق مواد مختلفة مثل كرات قطنية، قطع خشبية، اوراق مقصوصة وغيره (بهتم اغير المواد حسب الموسم عشان اخلي الاهتمام موجود) وهدف استعمال الغراء والفرشاة هو لتطوير مهارات الطفل على العمل بخطوات متتابعة والمنطق
٧. قص: بدأنا من مقص اطفال للاوراق وكرتون مقوى، وجديد انتقلنا لمقص أطفال من حديد
٨. الوان چواش: بدأت من عرض لون واحد وبعد بفترة لما اتقنت الاستعمال زدت عدد الالوان. ممتازات لفعاليات خلط الالوان وأيضاً لتطوير مهارات التسلسل والمنطق
٩. الوان مائية: بدأت من عرض لون واحد.. وبعد بفترة زدت عدد الالوان. مهارة ممتازة لتطوير التسلسل المنطقي عند الطفل وتعتبر الاصعب
10. طوابع وحبر: بختارهم بمواضيع مختلفة، بشكل غير مباشر بتساعد بتطوير مسكة القلم
11. الوان طوش
كل مواد الفنون ممكن تلاقوها وتوصوا عليها مباشرةً من الموقع: https://www.mymontestory.com/product-tag/art/
👀 الاسرار اللي اكتشفتها:
* مهم كتير التجديد والتنويع بالمواد لنخلي الاهتمام موجود
* اعادة استعمال الاوراق المستعملة من جهة واحدة
* قص الاوراق بالنص للحصول على حجم A5، من جهة توفير بالاوراق ومن جهة بتسع افضل بالصينية او الجارور
* استعمال اوراق ملونة يزيد من الاهتمام بالفعالية
0 تعليقات

اكتب تعليق

لن يتم نشر عنوان بريدك الإلكتروني.