بسكليت توازن هو بسكليت صغير الحجم، بدون دواسات وبدون عجلات مساعدة جانبية. طفل صغير بعمر سنتين او أصغر شوي، بيقدر يقعد على الكرسي ويدفش نفسه بمساعدة الرجلين.

بالاول لين كانت مترددة، استغرق وقت على بين ما أخدت على البسكليت، بس بعدين مثل ما شايفين، صارت طيارة، والأهم اكتسبت مهارة التوازن!

ركوب البسكليت صار مهمة سهلة وممتعة، بدي احاول عن طريق هذا البوست اسلط الضوء لي اختيار بسكليت توازن اشي مهم.

حاضرين ؟

١. فصل المهارات: عن طريق هذا البسكليت منبسط عملية التعليم الى مراحل وعشان هيك بتكون اسهل. اول مرحلة هي التوازن ولاحقا التدويس.

٢. كثير صعب نفطم الطفل عن عادات سيئة، نفس الاشي بالنسبة للعجلات: اسهل نعلم مع اسس صحيحة من ما نصحح لاحقا. بعد ما وصلت لين لمرحلة سيطرة ورفع الاجرين، رح نتقدم لبسكليت مع دواسات وبدون عجلات جانبية.

٣. وينتا نبدا؟ حسب الفترة الحساسة للحركة الغليظة. نحن بدأنا بعمر سنتين وشهر. وكثير مبهر يشوف الواحد كيف بسرعة هائلة بصيروا يركبوا.