تعلم اللغة بحسب مونتيسوري

شوي عن مونتيسوري وتعلّم اللغة:
بالمدارس علمونا نقرأ وبعدين نكتب.. حفظنا الاحرف وشوي شوي بدأنا نقرأ كتاب العربي بصف أول (بعمر 6-7 سنوات تقريباً). بهاد العمر الطفل قد تجاوز الفترة الحساسة لتنسيق الحركة ولهذا السبب كتير اطفال بتواجه صعوبات باتقان كتابة الاحرف واكتساب الخط الجميل.
بمنهج مونتيسوري التعليم بتبع مسار مختلف وشوي عكسي، لانه بتماشى مع الفترات الحساسة ومدعوم من العقل المستوعب (شغال حتى عمر 6 سنوات). بصفوف مونتيسورية كلاسيكية، نلاحظ ان الطفل يكتب ويكتب ويكتب ويكتب (بعمر 4 سنوات)، ثم ببدأ بالقراءة (بعمر 5).

بتوسع اكتر: –

🔹بالمرحلة الاولى التركيز هو عالثروة اللغوية (من 0 – 3.5 سنوات – الفترة الحساسة لاكتساب اللغة)، الطفل بلقط كلمات جديدة بسهولة كبيرة لهاد السبب منعطيه الاسماء الصحيحة لكل شيئ عن طريق الحديث وعن طريق البطاقات والمجسمات (بحسب العمر).

مثلاً:

  • منفرجيه بطاقات ومجسمات للمربع والمكعب والمثلث والهرم ومنحكيله اسماء هاي الاشكال والمجسمات. لما بمسكهم بمتص كل تفاصيلهم وبفهم الفروقات
  • منلعب لعبة الوجوه حتى نتحدث عن الاعضاء في الوجه، عن لون الشعر والاعين، عن الحلق والنظارات وعن المشاعر
  • منفرجيه بطاقات ومجسمات مصغرة للفراشة ومنحكيله عن دورة حياتها: البيضة، اليرقة، الشرنقة والفراشة البالغة

  • منحكي عالفواكه المختلفة واذا فيها بذور ولا لا وشو الفرق بين الانواع المختلفة
  • منعرفه عاشياء من بيئته اليومية واشياء اللي بشوفهاش كل يوم – منجيبله العالم عالبيت
  • منقرأ معه من عمر 0 – كيف؟ الاجابة هنا

المجسمات، البطاقات والقصص بتلاقوها هنا 

معنيين تعرفوا أكثر كيف تعرضوا البطاقات عالطفل؟ حضرنالكم فيديو بالموضوع

 

🔹 بالمرحلة الثانية التركيز هو عالكتابة (عمر 3.5 – 4.5 سنوات): ليش؟

  • بهاي الفترة الطفل موجود بالفترة الحساسة لتنسيق الحركة فالكتابة بتبدأ بطريقة تلقائية (اذا التجهيز كان كافي وصحيح)
  • بالاضافة اسهل للطفل يعبر عن افكاره (بالكتابة) من فهم افكار غيره (قراءة).

كيف منعلم الكتابة؟

  • منعرف الطفل عالاصوات المختلفة اللي بتصدر من الحروف: مثلاً منفرجيه البطة والبوق والبطاطا ومنسأله شو المشترك بيناتهم؟ (صوت ال “بببب”)
  • بعدين منعرفه كيف حرف الباء بنكتب مثلاً عن طريق مكعبات الحروف او لوحات حسية
  • منحزره شو شايف حوله اشي ببدأ بال “ببب”
  • منعطيه كتير امكانيات ليكتب عاللوح والورق عن طريق العديد من المواد المعدة للكتابة وبتلاقوها هنا

🔹 بالمرحلة الثالثة التركيز هو عالقراءة (عمر 4.5 – 5.5 سنوات): بعمر 5 بتحول اهتمام الطفل لتفسير الرموز المكتوبة. الاشي بحتاج مهارات تحليل مبنى الجملة المقروءة وفهمها. كيف منعلم القراءة؟

  • بطاقات الثلاث أجزاء اللي استخدمنا الجزء الاول منها لاكساب الثروة اللغوية. أكثر عن كيفية استخدامها بالمراحل المختلفة: بالفيديو وممكن تشتروها من المتجر
  • بالاضافة في عدة “العاب بيتية” اللي بتساعده عبناء قدرات القراءة.

 

🧐 هاي باختصار لمحة عن تعليم اللغة. اذا معنيين تتبعوا الطريقة بنصحكم تبدأوا من كتير بكير تجمعوا مجسمات مصغرة لحيوانات، نباتات، اشياء من اليوم يوم اللي ممكن تلاقوها لكل واحد من الحروف عشانها شغلة مش هوينة 🙂 بمتجرنا ممكن تلاقوا مجسمات مصغرة لحيوانات، آلات موسيقية، أعضاء الجسم، فضاء، دورات الحياة لحيوانات مختلفة اللي هي معدة خصيصاً لتعليم اللغة والثروة اللغوية بالإضافة إلى بطاقات الثروة اللغوية والقراءة بالعربي.
بتلاقوها بالموقع بصفحة المتجر: عن طريق التفتيش حسب مهارات الثروة اللغوية, الكتابة والقراءة

تعليقات (2)

  1. Raghad

    كيف ابدأ تعليم ابنتي من البيت ؟ عمرها ٤ سنوات

  2. تنبيه: الفترات الحساسة - MY MONTESTORY

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.